SM City Salesclerks sa Gen San pinuri ang isang Engineer ng DPWH sa Pagiging "Honest" Nito

Read Time:1 Minute, 51 Second

ISULAN, Sultan Kudarat — Pinuri ng mga “Salesclerk” ng isang sikat na shopping mall sa General Santos City si Engr. Irl Kristian Gulmatico ng DPWH-Sultan Kudarat 1^st District Engineering Office (SK1stDEO) sa pagiging “honest” nito.

Thank you for reading this post, don't forget to subscribe!

Sabi ng mga empleyada, dapat lang na purihin ang nasabing inhenyero dahil sa magandang ginawa nito. Ano ba ang ginawa niya?

Noong Disyembre 15, 2019, pumunta si Engr. Gulmatico sa SM City sa General Santos City para bumili ng jacket sa paborito nitong kompanya na “BENCH.”

Habang naghihintay na kanyang turno para magbayad sa cashier, bigla na lamang lumindol ng malakas.

Tumakbo ito palabas ng SM at hindi nito namalayan na nabitbit nito palabas ang “BENCH” na jacket dahil sa matinding kaba.

Ayon sa report, ang nasabing lindol na may 6.9 magnitude ay may kakayahang magpa-panic sa kahit sino dahil sa lakas nito.

Si Engr. Gulmatico ay “fan” ng kompanyang-BENCH.

Sa kanyang FB account, sinabi ni Engr. Gulmatico na “nadala nako last time nga wala nabaydan tungod sa kakulba haha gibalikan nako para wala koy utang (nadala ko last time na hindi nabayaran dahil sa sobrang kaba haha binalikan ko para wala akong utang).”

Noong January 3, 2020, or pagkatapos ng 18 days, bumalik si Engr. Gulmatico sa SM City sa General Santos City at lumapit sa isang cashier at sinabihan ito na “babayaran ko itong jacket na nadala ko palabas last December 15 dahil sa earthquake.”

Nabigla ang cashier sa narinig at ngumiti kay Engr. Gulmatico. Kaagad niya itong inasikaso.

Ang nasabing akto ni Engr. Gulmatico na pagbayad sa jacket noong kasagsagan ng lindol ay umani ng mga papuri sa mga salesclerk ng SM.

Habang papaalis na ito, narinig pa nito ang iba na nagsasabi na “gwapo na siya honest pa.”

Hindi nila alam na siya ay isang government engineer. Hindi nila alam na siya ay ang Presidente ng rank and file na mga empleyado ng Sultan Kudarat 1^st District Engineering Office (SK1stDEO) ng DPWH sa probinsya ng Sultan Kudarat. (RAMIL BAJO)

81063524_2629087883805615_1301150880510246912_n

Words by RAMIL BAJO

Published in Diyaryo Milenyo

Photo credit to ENGR. IRL KRISTIAN GULMATICO

SM City Salesclerks sa Gen San pinuri ang isang Engineer ng DPWH sa Pagiging “Honest” Nito

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com