Pinas, pang 57 sa 98 na mga bansang may pinakamaruming hangin. Base sa isinagawang pag-aaral ng IQAir Air Visual Group.

Naitala sa pag-aaral na tumaas ng bahagya sa 17.5 micrograms per cubic meter (μg/m3) o (PM2.5) sa dati nitong average na 14.6 μg/m3 noong 2018.

Ang PM2.5 o tinatawag na Particulate matter (PM) ay nababase sa mixture ng solid particles at liquid droplets sa ating atmosphere. Kinabibilangan nito ay ang tubig, alikabok, at salt particles. Ang PM2.5 na sinukat ng IQAir ay tumutukoy sa particulate matter na may diameter na mas mababa sa 2.5 micrometer o 3 porsiyento lamang ng diameter ng isang buhok ng tao.

Ang mataas na antas ng particulate matter na dala ng maruming hangin ay maaaring magdulot ng paglabo ng kalangitan at makasama sa ating kalusugan dahil hindi natin nakikita ang dumi sa hangin. Ito ay ating nalalanghap at maaring magdulot ng pag-ubo, at hirap sa paghinga.

Batay na rin sa naging joint statements ng Greenpeace Philippines, Clean Air Asia, Center for Energy, Ecology and Development (CEED), Health Care without Harm, Philippine Movement for Climate Justice (PMCJ), at ang World Wide Fund for Nature (WWF) na kanilang iminumungkahi kay Pangulong Rodrigo Duterte na pagtuunang pansin ng bawat ahensiya ng gobyerno partikular ang DENR kung paano nga ba mapapangalagaan ang kalidad ng hangin sa bansa at gawin itong prayoridad ng bawat ahensyang mangangasiwa nito.

Kailangan ding bigyang diin at pagtutok sa Clean Air Act at ang pagbibigay ng moratorium o Permits to Operate Air Pollutant Installations sa lahat ng mga planta na nag-ooperate sa bansa para sa mas malinis na hangin. (DM)

Photo credit to: Morexter

Published by Diyaryo Milenyo