0
0
Nag-amok ang isang gunman sa loob ng V-Mall sa Greenhills, San Juan City kaninang hapon. Batay sa ulat, isang tao ang nabaril at nasugatan habang nasa 30 katao kabilang ang mga empleyado ng nasabing mall ang hinostage sa loob ng Mall.
Napag-alaman sa ulat na ang lalaking armado ay dating guard ng V-Mall at kasalukuyang nasa loob ng opisina ng nasabing mall. Batay na rin sa ipinoste sa Facebook ng Radyo Pilipinas, nakipag-video call pa ang suspek sa mga security guard ng Sascor na isa sa mga kondisyon sa pagpapalaya nito sa kaniyang mga hostage.
Nagpakalat naman ng higit isang dosenang SWAT commandos at nagpadala narin ang kapulisan ng ambulance kung sakaling magkaputukan at malagay pa sa panganib ang mga biktima.
Patuloy pa ring inaalam ang motibo ng suspek kung bakit humantong ito sa ganitong pangyayari. (DM)
