PANTAWID SA WALANG PASADA PARA SA MGA TSUPER, HILING NI POE

Read Time:1 Minute, 54 Second

Iminungkahi ni Sen. Grace Poe na gamitin ang pondo ng Department of Transportation (DOTr) na umaabot sa P17 bilyon upang matulungan ang mga pampublikong tsuper na naapektuhan ng enhanced community quarantine.

“By our estimate, there is about P17 billion worth of programs and projects in the 2020 DOTr budget that cannot be implemented due to the pandemic on top of those not yet sunk in the ground from 2019,” sabi ni Poe na siyang chairman ng Senate committee on public services.

“We might as well realign these funds for the benefit of our transport drivers whose earnings are severely affected due to the enhanced quarantine,” dagdag pa ng senador.

Nauna nang sinuspinde ng Malacañang ang lahat ng pampublikong transportasyon sa buong Luzon upang mahigpit na maipatupad ang social distancing at mapigilan ang mabilis na pagkalat ng COVID-19. Ganito rin ang ginawa sa ibang probinsiya sa Pilipinas.

Umaabot sa 130,000 ang bilang na mga jeepney driver, habang mayroon naman 65,000 na tsuper na kabilang sa transport network vehicle service sa buong bansa. Sa Kalakhang Maynila lamang, humigit-kumulang sa 13,000 ang mga bus driver at 47,000 naman ang namamasada ng motorcycle taxi.

Sa ilalim ng Bayanihan to Heal as One Act na nilagdaan kamakailan lamang, pinahihintulutan ang Pangulo na isantabi ang mga programa at proyekto ng pamahalaan at sa halip ay gamitin ang pondo para labanan ang sakit at ganundin ay matulungan ang mga apektadong pamilya.

“Ang pondo na pangtayo dapat ng proyekto ay ipamigay na o ipambili na lang ng pagkain ng mga drayber ng mga pampublikong sasakyan. Surely, no one will contest that the right to food of a PUV driver is more important than some obscure project,” ani Poe.

Binanggit din niya ang fuel voucher para sa mga tsuper sa ilalim ng programang Pantawid Pasada ng DOTr. Ang pondo para dito ay bahagi ng 30 porsiyentong kita mula sa buwis na nilalaan para sa mga “mitigation measures” ng pamahalan na alinsunod naman sa Tax Reform Acceleration and Inclusion Law.

“The budget has ceased to be set in stone. The amount for the fuel vouchers should be repurposed as cash or food assistance in this time of emergency. Dapat gamitin ito bilang pantawid sa walang pasada,” sabi ni Poe.(30) | WORDS AND PHOTO BY ARIEL P. LIM

About Post Author

Diyaryo Milenyo

DIYARYO MILENYO is a free and independent online media outfit that publishes events happening in the local communities and current issues that matter to the public with local, national and global implications. DIYARYO MILENYO is composed of volunteer journalists and community writers scattered in various parts of the Philippines. They report the news right and where it happens. It adheres to the standards and ethics of journalism. It imposes strict rules against attacking someone. Strictly adhering to publish good news only.

advertise@diyaryomilenyonews.com

http://diyaryomilenyonews.com