Palm Sunday, gagawing Online ang misa – CBCP
Read Time:1 Minute, 9 Second
Sa kauna-unahang pagkakataon, ngayon lamang magdiriwang ang buong Simbahang Katolika na gagawing online ang misa para sa pagsalubong ng Palaspas o Palm Sunday (Abril 5, 2020) ngayong Semana Santa.
Ito ay para maiwasan ang paghawa ng nakamamatay na coronavirus disease 2019 (COVID-19) global pandemic.
Batay sa pagtatakda ng Catholic Bishops Conference of the Philippines (CBCP), ang lahat nang mga aktibidad nang Simbahan at ang misa para sa Holy Week at Easter Sunday ay mapapanood sa TV at sa online o internet. Sa pamamagitan ng live streaming ng bawat simbahang katoliko sa kani-kanilang social media accounts at youtube channel.
Aniya, maaring manood na lamang nang misa sa bahay at pwede namang mabasbasan ang mga palaspas sa pamamagitan ng pakikinig sa Salita ng Diyos na sasabihin ng pari sa misa.
Kung tayo ay walang palaspas, maaring gamitin ang kahit ano’ng sanga na may dahon o kung ano man ang halaman na makikita sa bahay. Ang Holy Water ay simbolo ng pagbibigay bendisyon ng pari ngunit sa pagkakataong ito, hindi na kailangan pang mabasbasan ng Holy Water ang ating mga Palaspas bagkus tayo ay magbigay pugay sa kadakilaan ni Hesukristo at magdasal ng taimtim para sa kaligtasan ng sambayanan.
Kaya naman ang bawat isa ay inaanyayahan na gumising ng maaga para ating salubungin nang buhay at buong puso ang pagdiriwang ng Palaspas ngayong Semana Santa.
#SemanaSanta2020
#CatholicBishopsConferenceofthePhilippines
#CBCP
#SimbahangKatoliko
#COVID19
#PalmSunday #Palaspas2020
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
