PHOTO NEWS: “Yan ang mayor namin sa SNA, masipag at matulungin”
SULTAN KUDARAT, Philippines — Nakakita na ba kayo ng mayor na nagkarga ng isang sakong bigas sa kaniyang likod? Kung hindi pa, tingnan ninyo ang larawan sa ibaba.
Sa pinosteng larawan ni Kim Mendez Begyain sa kanyang FB account, pinuri nito ang kanilang alkalde na si Mayor Randy Ecija Jr. ng bayan ng Senator Ninoy Aquino (SNA) sa probinsya ng Sultan Kudarat sa pagkarga nito ng isang sakong bigas upang dalhin sa “repacking area” ng kanilang munisipyo.
“Yan ang Mayor namin sa KULAMAN SULTAN KUDARAT.MASIPAG AT MATULUNGIN.GOOD JOB MAYOR Randy Ecijajr GOD BLESS PO,” sabi ni Kim sa kanyang pinosteng mensahe..
Ayon kay Kim Mendez Begyain, si Mayor Ecija ay isang “habal-habal” driver bago ito naging alkalde ng SNA. Ang “habal-habal” ay isang uri ng transportasyon sa bukid.
“Galing tayo sa hirap at sanay tayo sa gawaing mahirap,” sabi naman ni Mayor Ecija (via FB messenger) sa interbyu sa kanya ng DIYARYO MILENYO. (RAMIL H. BAJO-MINDANAO DESK/PHOTOS CREDIT TO KIM MENDEZ BEGYAIN)
