INDIA: Buntis na Elepante kumain ng Pinya, patay
Read Time:1 Minute, 12 Second
Binawian ng buhay ang isang kaawa-awang Elepante matapos itong pakainin ng residente ng pinya na puno ng paputok.
Batay sa ulat na nakalap ng DIYARYO MILENYO mula sa Times of India, nangyari ang insidente nitong Mayo 27, sa Velluyar River sa Malappuram District kung saan nagpalakad lakad ang Elepante para maghanap ng makakain dahil siya ay buntis.
Aniya, may isang residente raw na nagbigay ng pinya sa elepante na puno ng malalakas na paputok ang nasa loob ng prutas. Ito ay sumabog sa mukha ng elepante at napuruhan ang kaniyang panga.
Dahil sa buntis ang elepante pinili pa rin nito na makaalpas sa mga tao patungong ilog dahil iniisip nito ang kanyang dinadalang sanggol sa kanyang sinapupunan at upang hindi na rin siya makaabala pa sa mga taong nanakit sa kanya. Batid na ng inang elepante ang kanyang sinapit na magwawakas na ang kanyang buhay. Pinilit pa rin nitong makapunta sa ilog hanggang sa siya ay bawian na nga ng buhay habang ito ay nakatayo sa ilog.
Ayon sa awtoridad, sinadya ng suspek ang nangyaring pagpatay sa elepante kung kaya’t ito ay pinaghahanap na ng awtoridad.
Hindi nananakit ang elepante sa mga tao, sila ay marunong kumilala at irespeto ang kanilang paligid. Sa kaganapang ito patunay lamang na nalalabag ang karapatan ng mga hayop sa kanilang bansa gaya sa sinapit ng kaawa-awang buntis na elepante sa bansang India. (Ni REX MOLINES | PHOTO COURTESY: TIMES OF INDIA)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
