0
0
Tunay ngang nakagagalak sa Diyos ang mga taong marunong magbahagi o magbigay lingkod sa ating kapwa lalo na ang lubos na nangangailangan ng ating tulong.
Gaya ng pagtugon ng Chiang Kai Shek College Alumni Association sa kanilang isinusulong na “CKSCAA Kontra Sa Covid-19.” charity project.
Sa loob ng mahigit na dalawang buwan na kanilang pagbibigay tulong at paglilingkod sa mga kababayan natin sa lungsod ng Maynila, ang CKSCAA Kontra Sa Covid-19 ay una ng nakapamahagi ng 1,600 Antibody Test Kits sa Philippine General Hospital nitong Abril 14, 2020.
Bukod dito, nakapamahagi rin sila ng mahigit 104,800 packs of 5 kilos of rice sa iba’t ibang Barangay sa Maynila mula Abril 21 hanggang Mayo 12.
Kaya naman, taus-puso ang kanilang pasasalamat sa City Government office ng Maynila na sila ay pinatuloy sa kanilang mabuting hangarin at ang mga kasamahan nila sa kanilang asosasyon na kung hindi dahil sa pagiging-bukas palad ng bawat isa, hindi ito magiging posible para magawa nila at ma-organisa ng matagumpay ang lahat.
Aniya, ang kanilang pagtulong ay bahagi ng pagdiriwang ng ika- 75th Diamond Anniversary ng kanilang institusyon. (Ni Rex Molines | Posted in Pilipino Positibo | Photo courtesy to the official Facebook of CKSCAA)
You must be logged in to post a comment.