Glaiza De Castro, naka-recover na matapos ma-hack ang Instagram account

Singer at actress na si Glaiza de Castro ipinaalam sa kanyang followers at fans na na-hack ang kanyang instagram account nitong Miyerkules, June 24.

Ang singer-actress ay na-recover na ang kanyang instagram account nang sumunod na araw at inihayag niya ang kanyang balita sa kanyang official instagram account kasabay nito sinamahan niya ng babala tungkol sa paglaganap ng cyber crime.

Nagpasalamat naman si Glaiza sa lahat ng tumulong sa kanyang upang ma-recover ang kanyang account sa instagram.

Ayon sa kanyang post, “ Maraming salamat sa mga nag-abot ng concern, tumulong at nagdasal. Sorry din sa mga nabahala at ‘di nakatulog.”

Matapos ma-alarma ng singer-actress ang publiko tungkol sa hingi pag-verify na mga email at kahina-hinalang link sa social media.

Aniya “ Grabe, sa panahon ngayon hindi lang talaga pisikal ang krimen, at mas nakakatakot, hindi mo nakikita ang mukha ng kalaban.”

“Kaya ingat tayo sa mga naki-click natin, mga natatanggap nating emails or links at mga binibigay nating impormasyon online.”

Dagdag pa ni Glaiza “Salamat friends at salamat Facebook Team, saludo ako sa inyo!”

Matatandaan ginamit ng singer-actress ang Twitter upang balaan ang kanyang followers na hindi siya maka-access sa kanyang instagram account noong June 24. (Ni BENJAMIN DUCAY GARCIA)