Mas maraming Pilipino ang nagsusuot ng face mask kapag lalabas ng bahay kumpara sa ibang bansa. Ito ay napatunayan sa isang survey na isinagawa ng YouGov at Imperial College of London mula Hunyo 22 hanggang Hunyo 28.
Ang naturang survey ang nagpakita ng resulta na ang Pilipinas ang nangungunang bansa na may pinakamataas na porsiyento o 92% ng mga mamamayan na palagian o madalas na nagsusuot ng face mask.
Sumunod dito ay ang bansang Mexico na may 85%, pangatlo ang Spain sa 84%, at nasa ikaapat na pwesto ang bansang Hong Kong na nakakuha ng 83% at kapantay nito ang Italy, at Thailand. Kasunod nito ay ang mga bansang Japan at Malaysia na may parehong porsiyento na 77%.
Samantala, pinaka kaunti na nagsusuot ng face mask ay ang mga bansang Norway, Denmark, Finland at Sweden. (DM / Photo courtesy: Reuters)
Source: https://today.yougov.com/
DIYARYO MILENYO DIGITAL NEWS 
0 comments on “92% ng mga Pinoy palasuot ng face mask, ayon sa isinagawang survey ng YouGov”