Komunidad sa Valenzuela City, sasailalim sa community lockdown
Read Time:1 Minute, 18 Second
‘25% – 50% Residente ang nagpositibo’ sa naturang komunidad.
Sasailalim sa mahigit dalawang linggong community lockdown ang komunidad ng Barangay Bagong Kaunlaran, Paso de Blas sa lungsod ng Valenzuela matapos lumabas sa resulta na 25 hanggang kalahating porsyento ng mga residente nito ay nagpositibo sa isinagawang swab test.
Ayon sa ipinoste sa facebook page ng Lungsod ng Valenzuela, magtatagal ito mula ika-25 ng Hulyo hanggang Agosto 9.
Inanunsyo rin ang pamimigay ng hygiene kit, gayundin ang rasyon ng inuming tubig at pagkain tuwing ikalimang araw upang masiguro na hindi lalabas sa mga tahanan ang mga residente.
Ang unang rasyon ay sa unang araw ng lockdown, Hulyo 25 (Sabado);
Ikalawang rasyon ay sa Hulyo 30 (Huwebes);
Ikatlong rasyon – Agosto 4 (Martes) at;
Ikaapat na rasyon – Agosto 9 (Linggo).
May kaakibat na multa sa lahat ng lalabag mula P5,000 hanggang P10,000 at pagkakakulong nang hindi hihigit sa 30 araw.
Siniguro rin ng lokal na pamahalaan na hindi mapuputulan ng kuryente at tubig ang komunidad habang nasa ilalim ng lockdown.
Maaari ring makipag-ugnayan ang mga kamag-anak na nais maghatid ng pagkain at tulong sa mga otoridad at dalhin ang mga pagkain sa “Padala Station” upang maihatid sa mga residente.
Hinihikayat din ang mga residente na makipag-ugnayan sa Medical Command post sa numerong 0908 409 9128 para sa mga pangangailangang medikal.
“Inaasahan po namin ang inyong pakikiisa. Sama-sama nating labanan ang COVID-19” ani Valenzuela Mayor Rex Gatchalian sa isang sulat. (Ni Dale Cabuquin via Valenzuela City)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
