Read Time:1 Minute, 13 Second
Binigyang diin ni Sen. Christopher Lawrence “Bong” Go ang kahalagahan at benepisyo ng e-Governance platforms at ito raw ay magiging kapaki-pakinabang para sa lahat at tuluyan ng mapatid ang red tape at corruption sa bansa.
“Hindi lamang po malaki ang magiging papel ng e-governance na maka-adapt ang bansa sa pagdating ng ‘new normal’, mas mapapabilis din po nito ang mga proseso at transaksyon sa gobyerno towards a ‘better normal’ when it comes to government service delivery,” sabi ni Go.
Aniya, kapag ito ay maisakatuparan ng husto at magtuloy-tuloy ay mas mapapabuti, magiging mas mabilis, at mas makakagaan ito para sa lahat sa mas maayos na mga transaksyon sa gobyerno at ma-access ang government information with less bureaucratic delays.
Dadag pa ni Go na maiiwasan din ang korapsyon dahil mas magiging transparent ang proseso at makababawas ng face-to-face transcations.
Ngayong may pandemya sa bansa at patuloy ang pagtaas ng bilang nang mga nagpopositibo sa coronavirus disease (COVID-19), mababawasan din nito ang personal interaction na madalas nagiging sanhi ng red tape at korapsyon sa gobyerno.
“May mga proseso sa gobyerno na pwedeng mas maisaayos gamit ang makabagong teknolohiya. Mas nakita po natin ito ngayon dahil sa COVID-19 crisis kung saan karamihan ng ating pang-araw araw na transaksyon ay kinailangang mag-evolve,’’ ani Bong Go. (Ni Rex Molines / Photo couhttps://web.facebook.com/Pregroe/rtesy to the official Facebook page post of Sen. Bong Go)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
