Read Time:2 Minute, 47 Second
SULTAN KUDARAT, Philippines — Hindi inaakala at iniisip nila Governor Datu Suharto “TENG” Mangudadatu, PhD ng probinsya ng Sultan Kudarat at ng misis nito na si Governor Bai Mariam Sangki-Mangudadatu ng probinsya ng Maguindanao na pangungunahan nila ang isang laban para sa kaligtasan ng kanilang mga kababayan.
At ‘yan ay laban kontra “COVID-19,” kung saan patuloy na nananalasa sa iba’t-ibang panig ng mundo. Sa kasalukuyan, patuloy na pananalasa ng nasabing “virus” ay nasa level na ng pandemya.
Hindi nila inaakalang dalawa na may magaganap na pandemya. Hindi nila inaakala na magiging pag-asa sila ng kanilang mga kababayan sa mga probinsya ng Sultan Kudarat at Maguindanao.
Kahit natatakot ang mga residente ng dalawang probinsya sa nasabing nakamamatay na sakit, hindi sila bumitaw sa pag-asa dahil alam nilang hindi sila pababayaan nila Governor Teng at Governor Bai Mariam.
Hindi nga sila nagkamali. Hindi sila pinabayaan ng dalawang gobernador. Nakita nila kung paano sila prinotektahan laban sa nasabing sakit. Nakita nila ang mga hakbang at mga sakripisyo na ginawa ng dalawang gobernador.
Sa panahon ng pag-atake ng COVID-19, naramdaman ng mga residente ng dalawang probinsya ang liderato nila Governor Teng at Governor Bai Mariam. Ipinakita ng dalawang gobernador ang kanilang malasakit at pagmamahal sa kanila. Hindi sila pinabayaan.
Bumaha ang “relief goods” sa iba’t-ibang bahagi ng Sultan Kudarat at Maguindanao. Hindi naramdaman ng mga residente ng dalawang probinsya ang gutom at epekto ng nasabing sakit. Lahat ay nabigyan. Maging ang mga nakatira sa malalayong bahagi, tulad ng bundok at dagat, ay nabigyan.
Ipinakita nila Governor Teng at Governor Bai Mariam sa mga residente ang tunay na kahulugan ng “malasakit” at ng “kapamilya.”
Nakita ng mga residente kung paano pinangunahan nila Governor Teng at Governor Bai Mariam, sa tulong ng lahat na “frontliners” at mga pulis at mga sundalo, ang pakikipaglaban kontra sa COVID-19.
Lahat ay inspirado na ibahagi ang kanilang maitutulong sa pakikipaglaban dahil alam nilang nakasandal sila sa mga liderato na hindi sila pababayaan sa panahon ng kagipitan at sa panahon ng pandemya.
Maging ang mga alkalde ng iba’t-ibang mga munisipyo sa mga probinsya ng Sultan Kudarat at Maguindanao ay aktibo rin sa kanilang mga responsibilidad na proteksyonan ang kanilang mga kababayan laban sa nasabing sakit dahil alam nilang may gobernador at gobernadora silang may mahusay na liderato, malasakit at pagmamahal sa kanilang lahat.
Para kay Governor Teng at Governor Bai Mariam, ang krisis sa COVID-19 ay nagbigay sa kanilang dalawa ng pagkakataon na ipakita sa kanilang mga kababayan ang kanilang mga kakayahan, pagmamahal at malasakit.
Matagumpay na ipinakita nila Governor Teng at Governor Bai Mariam ang kanilang mga kakayahan na proteksyonan ang kanilang mga kababayan sa tulong ng ispirito ng “bayanihan.”
Para sa kanila, tuloy pa rin ang laban. Hindi nila alam kung kailan matatapos ang laban kontra sa COVID-19 pero nakahanda silang dalawa. (ABDUL CAMPUA via Mindanao Desk)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
