Ayuda para sa MSMEs, naitawid na sa House Panel

Read Time:1 Minute, 0 Second

Naitawid na sa House Committee on Ways and Means ang House Bills numbers 4878 at 5610 para matugunan ang paglago ng micro-small and medium enterprises na pinamumumunuan ni Albay Rep. Joey Salceda matapos na amyendahan ang Section 9 ng panukala.

Layon ng panukalang ito na patatagin ang microfinance programs at bigyan ng access sa pamumuhunan at pag-unlad ang MSMEs.

Nakapaloob dito ang lahat ng grants, financing, donation, at contribution para sa mga MSME’s sa ilalim ng Puhunan, Tulungan at Kaunlaran (PTK) Act of 2019 ay ililibre sa pagbabayad ng donor’s tax at ikokonsidera rin ito bilang allowable deduction mula sa gross income ng donor sa probisyon na rin ng National Internal Revenue Code.

Nakasaad din sa panukala na gawing simple at praktikal ang proseso ng pagkuha ng MSMEs ng micro-financing, grants, at technical support.

Sinisiguro rin na ang uutangin ng mga MSMEs ay para sa kanilang pamumuhunan at ang loan interest ay hindi dapat mas mataas sa tubo na ipapataw sa kasalukuyang bank rates.

Aabot sa P125 billion ang ilalaan para sa limang taon na implementasyon ng PTK Five-Star Loan Program sa oras na maging ganap na batas ang naturang panukala.

About Post Author

Diyaryo Milenyo

DIYARYO MILENYO is a free and independent online media outfit that publishes events happening in the local communities and current issues that matter to the public with local, national and global implications. DIYARYO MILENYO is composed of volunteer journalists and community writers scattered in various parts of the Philippines. They report the news right and where it happens. It adheres to the standards and ethics of journalism. It imposes strict rules against attacking someone. Strictly adhering to publish good news only.

info@diyaryomilenyonews.com

http://diyaryomilenyonews.com