Read Time:1 Minute, 3 Second
MAGTATAGUMPAY ang pagbabawas ng sukat ng social distancing para sa mga mananakay sa pampublikong transportasyon basta sumunod lamang ang lahat sa ipinatutupad na health protocols ng mga awtoridad.
Tiniyak ito ni National Task Force COVID-19 policy chief implementer Secretary Carlito Galvez Jr. sa ikalawang araw ng pagpapatupad sa .75 metrong distansya mula sa dating isang metro na layo sa bawat indibidwal.
“With the protection ng face mask and face shield, no talking para no droplet. Dapat no talking, no eating, no use of cellphone. ‘Yung iba like sa Japan, no talking pero dikit-dikit na [sa PUVs],” pahayag ni Galvez.
Aniya, naniniwala ang kalihim na hindi mataas ang pagkakahawa sa naturang virus sa mga pampublikong transportasyon kumpara sa loob ng bahay at sa mga lugar na pinupuntahan ng karamihan.
“Ang pinaka-vulnerable bahay or community kasi tinatanggal ang face mask sa bahay. Pati na sa workplace, like canteen and smoking area. Pero shuttles and transport, hindi naman masyado,” dagdag pa ng kalihim.
Nilinaw din ng kalihim na dapat din matiyak ang maayos na ventilation sa PUVs na mag-circulate ang hangin. Pinaalalahanan din ang publiko na umiwas sa tinatwag na 3 C’s o ang crowding, close contact, and confined spaces. (Ni Rex Molines)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
