Bagong ‘Baseco Esplanade’ sa Maynila malapit ng buksan
Read Time:1 Minute, 11 Second
Nakatakdang magbukas ang bagong “BASECO Esplanade” sa Maynila sa mga darating na araw matapos ang tuloy-tuloy na paglilinis sa dagat ng basura sa Port Area Manila.
Ayon sa pahayag ni Manila Mayor Francisco “Isko Moreno” Domagoso, ang dating baybayin na puno ng basura sa Baseco ay nalinis na ngayon at hindi na gaya ng dati na talaga namang nakaka panlumo na tanawin ang Baseco beach.
“Tulong-tulong po ang Department of Pubic Services (DPS) Baseco Beach Warriors, Metropolitan Manila Development Authority at Department of Environment and Natural Resources sa cleaning operations. Hindi po tayo matatapos dito. Tuloy-tuloy lang ang ating pagkilos hanggang sa makamit natin ang isang maunlad, maganda, at panatag na Maynila. Soon, we will develop the new Baseco Esplanade,” paniniyak ni Moreno sa mga residente ng Baseco.
Nabatid din na may lamp post sa baywalk area para magsilbing liwanag sa gabi at maging ligtas din sa pamamasyal sa naturang beach. Ang mga ikinabit na lamp post sa Bay area ay hango sa recycle lamp post sa Espana Blvd sa Sampaloc Manila na pinangasiwaan ng City engineers.
“Ayoko po sayangin ang pera niyong pinambili dito. May value pa naman po, sayang kung itatapon lang. Kaya po iniatas ko na ayusin ang mga nasabing mga poste ng ilaw,” ayon kay Moreno. (Ni Rex Molines)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
