"State of Calamity" sa buong bansa, pinalawig ni Duterte hanggang Setyembre 2021

Read Time:56 Second

MAS PINALAWIG ni Pangulong Rodrigo Duterte ang pagdeklara ng State of Calamity sa buong bansa bunsod ng pakikibaka natin sa patuloy na banta ng COVID-19 pandemic.

Thank you for reading this post, don't forget to subscribe!

Ito’y matapos lagdaan ng Pangulo ang Proclamation No. 1021 nitong Setyembre 16, 2020. Sa ilalim ng State of Calamity ay mabibigyan ng mas mabilis at mas malawak na access ang pamahalaan sa kinakailangan nitong pondo upang tugunan ang mga pangangailangan patungkol sa COVID-19.

Batay sa Proclamation No. 1021 na inilabas ng Malacañang, nakasaad na ang deklarasyon ay tatagal sa loob ng isang taon o hanggang ika-12 ng Setyembre, 2021. Maliban na lamang kung babawiin ito nang mas maaga.

Nakasaad din sa proklamasyon na inaatasan ang lahat ng government agencies at local government units sa bansa na magbigay ng full assistance, at palawigin ang mga kinakailangang resources para sa angkop at mabilis na disaster response aid o measure para matuldukan ang banta ng COVID-19 sa bansa.

Maging ang mga law enforcement agency sa tulong ng Armed Forces of the Philippines (AFP) sa pagpapanatili ng peace and order sa mga apektadong lugar ng COVID-19. (DM)

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com