SALARIN SA KARUMAL-DUMAL NA PANGHAHALAY, TORTURE AT PAGPATAY SA 12-ANYOS NA BABAE SA CAVITE, ARESTADO!
Read Time:1 Minute, 28 Second
Kaawa-awang biktima ibinaon pa sa bakuran..
SALARIN SA KARUMAL-DUMAL NA PANGHAHALAY, TORTURE AT PAGPATAY SA 12-ANYOS Na BABAE SA CAVITE, ARESTADO!
SUMUKO makaraang masukol ng mga operatiba ng ROSARIO Municipal Police Station(MPS) ang suspek sa karumal-dumal na panghahalay at pagpatay sa isang 12-anyos batang babae na naganap sa Rosario Cavite kamakailan.
Base sa ulat ni CAVITE PPO PD PCOL MARLON SANTOS, kasalukuyang nasa kostudiya ng nasabing prisinto ang suspek na si Erly Arguelles na siyang salarin sa karumal-dumal na panghahalay, torture at pagpaslang sa kaawa-awang biktima na si Louisa, 12 anyos.
Matatandaan na unang naiulat na nawawala ang biktima noong Agosto 30, 2020 at natagpuang patay noong Septyembre 1 sa mismong bakuran(tahanan) ng suspek sa Brgy. Muzon 2 Rosario Cavite.
Kalunos-lunos ang sinapit ng batang biktima na bukod sa ginahasa ay tinorture pa bago pinatay, itinago o ibinaon pa sa lupa na tinakpan ng sakong may buhangin sa bakuran mismo ng suspek.
Hindi na nagawang lumaban pa ng suspek makaraang matunton at masukol ng mga operatiba na nagsagawa ng follow up manhunt sa pinagtaguang bahay sa Brgy. Conchu, Trece Martirez City.
Napag-alaman na hindi tumigil sa pagsasagawa ng imbestigasyon at PAGTUGIS ang mga Pulis-Cavite kung saan sa tulong na rin ng ilang impormante at kaanak ay napag-alaman at sinurveillance ang ilang pinuntuahang lugar ng suspek hanggang sa madakip sa nasabing lugar.
Ayon naman kay PRO4A RD PBGEN VICENTE DANAO, ang pagkadakip sa suspek ay patunay lamang na hindi tumitigil ang kapulisan sa pagsugpo laban sa krimen at PAGTUGIS sa mga kriminal na nagtatago sa batas upang makapagbigay hustisya para sa biktima at pamilyang naulila.
Nahaharap sa kasong RAPE with HOMICIDE ang suspek. (Ulat Ni: SID LUNA SAMANIEGO via Cavite desk)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
