Boracay island pwede nang bisitahin ng madlang pipol sa Oktubre 1

Read Time:54 Second

Magandang balita kaMilenyo! Para sa mga sabik sa beach.

Maari nang tumanggap ng mga bisita mula sa iba’t ibang panig ng bansa ang Boracay island simula Oktubre 1.

Ayon sa pahayag Department of Tourism (DOT) ngayong Miyerkules, bahagi ito ng pagpapanumbalik ng domestic tourism sa buong bansa.

Aniya, resulta ito ng special meeting kahapon ng Boracay Interagency Task Force (BIATF) kabilang sina Environment Secretary Roy Cimatu, Interior Secretary Eduardo Año, DOT Secretary Bernadette Romulo-Puyat, at Aklan Governor Joeben Miraflores.

Magpapatupad sila ng “Test Before Travel” rule ayon sa kalihim ng DOT. Samadaling sabi, kailangang magnegatibo sa COVID-19 swab test ang turista sa loob ng 48 hanggang 72 oras bago pumunta ng Boracay at dapat ding mag-strict quarantine matapos ang test.

“The Test Before Travel regulation will also permit tourists from areas under general community quarantine status to visit the island,” ayon pa sa kalihim.

Samantala, pwede na ring bumisita sa Boracay ang mga edad 20 pababa at 61 pataas basta wala silang “comorbidity” o malalang health conditions, dagdag ng kalihim.

About Post Author

Diyaryo Milenyo

DIYARYO MILENYO is a free and independent online media outfit that publishes events happening in the local communities and current issues that matter to the public with local, national and global implications. DIYARYO MILENYO is composed of volunteer journalists and community writers scattered in various parts of the Philippines. They report the news right and where it happens. It adheres to the standards and ethics of journalism. It imposes strict rules against attacking someone. Strictly adhering to publish good news only.

info@diyaryomilenyonews.com

http://diyaryomilenyonews.com