PAGBIBIGAY NG P15K CASH AID SA MGA VENDOR, ISINUSULONG – DSWD

Read Time:58 Second

ISINUSULONG ngayon ng Department of Social Welfare and Development (DSWD) ang pagpapatupad ng livelihood program para sa mga maliliit na tindahan gaya ng mga vendor na naapektuhan ang kita bunsod ng COVID-19 pandemic.

Inihayag ang planong ito ng DSWD sa Senate hearing para sa budget ng ahensiya na hindi nagamit ang P10 bilyong pondo sa Social Amelioration Program (SAP) para sa mahihirap na lubos na naapektuhan ng pandemya.

Ayon kay DSWD Undersecretary Restituto Macuto, hinihintay na lang nila na aprubahan ng Office of the President ang paglaan ng pondo sa programa.

“Ang atin pong tinatarget dito, ang informal sector. ‘Yung mga kababayan nating nagtitinda sa mga palengke, ‘yun pong mga nagtitinda ng gulay-gulay, mga sari-sari store. We have already oriented our local government units for this particular program. So, they are ready now, hintay lang po kami ng pondo para po makapag-start na kami immediately,” pahayag ni Macuto sa pagdinig.

Sa ilalim ng programa, pagkakalooban ng P15,000 cash aid ang maliliit na negosyong pinalumpo ng pandemya upang sila ay makabangon muli at makapagsimula ng pagbubukas ng kanilang mga naunsyaming kabuhayan. (DM)

Advertisement

About Post Author

Diyaryo Milenyo

DIYARYO MILENYO is a free and independent online media outfit that publishes events happening in the local communities and current issues that matter to the public with local, national and global implications. DIYARYO MILENYO is composed of volunteer journalists and community writers scattered in various parts of the Philippines. They report the news right and where it happens. It adheres to the standards and ethics of journalism. It imposes strict rules against attacking someone. Strictly adhering to publish good news only.
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post UV light may masamang dulot sa kalusugan ayon sa mga eksperto
Next post Boracay island pwede nang bisitahin ng madlang pipol sa Oktubre 1
%d bloggers like this: