Dagdag na public transpo hiling ng isang kongresista

Read Time:55 Second

Thank you for reading this post, don't forget to subscribe!

HINILING ni AAMBIS-OWA Partylist Rep. Sharon Garin sa House Committee on Economic Affairs na madaliin ang pagluwag sa restrictions at dagdagan ang mga pampublikong transportasyon.

Aniya, bunsod ito nang kakapalan ng bilang ng mga mananakay sa iba’t ibang bahagi ng NCR at Metro Manila mula ng maipatupad ang GCQ sa Metro Manila at karatig probinsya.

Ito ay para mabalanse ang kabuhayan sa iba’t ibang industriya at ang mga drayber na matagal nang hindi nakakapasada kung hindi naman agad matutugunan ang problema sa ekonomiya.

Saad pa ng kongresista na ang public transportation ay itinuturing na ‘major economic lifeline” kung saan ito ay integrated at interconnected sa lahat ng negosyo kaya nananatili itong pangunahin at napakahalaga sa pagbangon ng ekonomiya.

Mas lalo lamang umanong mababalewala ang pagpapatupad ng social distancing kung ang public transportation ay mas mababa kumpara sa mataas na bilang ng mga manggagawang nagbalik-trabaho na.

Diin pa ng kongresista na ang pagbubukas ng ekonomiya ay dapat masuportahan ng pagtataas ng passenger capacity kaakibat ang inilatag na health protocols upang matiyak na protektado ang lahat sa sakit na COVID-19. (DM)

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com