International Coffee Day: Kape’t Balita

Malaki ang pagkukumpara ng kape at diyaryo sa ating mga Pilipino.

Kape, ang unang sumasagi sa ating isipan pagkagising buhat sa magdamagang tulugan. Habang humihigop tayo ng mainit na kape ay nakagawian na nating magbasa ng diyaryo.

Ang kape na kung minsan ay may iba’t ibang klase ng timpla na kung minsan ay matabang, matamis, matapang, may gatas, may creamer at kung anu-ano pang dagdag-panlasa.

Tulad din ng diyaryo, iba’t iba ang laman at hanap. Madalas ay buhay artista ang hanap. Showbiz ika nga. Ang iba, mga komentaryo at opinyon ang hanap. Kung minsan ay talagang balitang balita lang.

Ngayong ipinagdiriwang natin ang International Coffee Day, sabay-sabay nating higupin ang mainit na balitang tumatalakay sa napapanahong isyu.

Mainit na pinag-uusapan hanggang sa kasuluk-sulukang eskinita. Tikman at lasahan ang masarap na timplang hinaluan ng balita. (Ni SID LUNA SAMANIEGO)