Planong pagtapyas ng distansya mula sa 1 metro sa mga pasahero, kikilatisin muli ng gobyerno

Read Time:54 Second

TINITINGNAN muli ng gobyerno na magbawas o tapyasan ang isang metrong distansya sa bawat pasahero para lubos pang mabuksan ang ekonomiya.

Ayon kay Cabinet Secretary Karlo Nograles, co-chair ng Inter-Agency Task Force on Emerging Infectious Diseases (IATF), dapat taasan ang public transportation capacity para matulungan ang mga tao na makabalik sa kanilang trabaho.

Ang planong pagtatapyas ng distansya mula da isang metro ay nakalinya raw sa implementasyon ng National Action Plan Phase 3 ng gobyerno na tututok sa lubos na pagbubukas ng ekonomiya habang nag-iingat sa banta ng coronavirus disease ang lahat.

Matatandaang nauna nang inaprubahan ng IATF ang proposal na bawasan ang physical distancing sa loob ng mga PUV sa 0.75 meter mula sa isang metrong pagitan at ito ay kinontra ng mga medical expert dahil sa pangangambang mas mahawa ng malapitan ang mga taong makakasalamuha sa mga pampublikong sasakyan.

Agad namang binasura ni Pangulong Rodrigo Duterte ang proposal na ito at patuloy naman nating sinusunod ang rekomendado ng World Health Organization na pairalin pa rin ang 1 meter physical distancing policy.

About Post Author

Diyaryo Milenyo

DIYARYO MILENYO is a free and independent online media outfit that publishes events happening in the local communities and current issues that matter to the public with local, national and global implications. DIYARYO MILENYO is composed of volunteer journalists and community writers scattered in various parts of the Philippines. They report the news right and where it happens. It adheres to the standards and ethics of journalism. It imposes strict rules against attacking someone. Strictly adhering to publish good news only.

advertise@diyaryomilenyonews.com

http://diyaryomilenyonews.com