Sa gitna nang kumakalat na mga larawan ng Manila bay dahil umano’y tila nilamon ng dagat at winalis ng tubig ulan ang artificial white sand sa Manila Bay nitong Miyerkoles, Oktubre 14.
Agad na nag-inspeksyon ang Department of Environment and Natural Resources (DENR) kasama ang Korte Suprema sa Manila Bay.
Pinangunahan nina Environment Secretary Roy Cimatu kasama si Supreme Court Chief Justice Diosdado Peralta ang pagsilip sa synthetic white sand sa bahagi ng Manila Bay.
Dinepensahan naman ito ni Environment Undersecretary Benny Antiporda ang crushed dolomite sa Manila Bay. Aniya, paliwanag nito na hindi na-wash out ang crushed dolomite sand kundi nag-wash in o natabunan ito ng itim na buhangin mula sa dagat.
“What I see is, wash in po siya, hindi wash out. Hindi nabawasan ang dolomite, nadagdagan ng black sand from the sea. Sa ilalim ng dagat, umangat,” sabi niya.
Hindi naman nagkomento si Peralta sa isyu ng dolomite dahil may nakabinbing mosyon ang grupong Akbayan sa Korte Suprema laban sa kontrobersyal na pagtatambak ng buhangin doon.
Gayunman, ipinagpasalamat naman ni Peralta ang pagtatayo ng sewerage treatment plant sa Manila Bay na lumilinis ng tubig mula sa tatlong (3) estero sa kalakhang Maynila.
0 comments on ““What I see is, wash in po siya, hindi wash out.” – Usec. Antiporda”