Read Time:1 Minute, 21 Second
GUMUHO ang pader ng isang istrakturang ginagawa sa Langkaan 1, Dasmariñas City, Cavite kaninang madaling araw dahil sa magdamagang pag-ulan at hanging dala ng bagyong Ulysses.
Napag-alaman na ang gusaling ginagawa ay pag-aari ng Polytechnique Mfg., Inc. sa nabanggit na lugar.
Base sa nakuhang report, gumuho ang pader ng gusaling ginagawa bandang alas-5:00 ng umaga. Habang na-retreived ang katawan ni Jomer Blessrio (construction worker) kaninang alas-10:30 ng umaga sa pangunguna ni Reynor Calzado ng CDRRMO, sa tulong ng Brgy. Officials na pinamunuan ni BC Laudato, Fire Department headed by Col. Atienza at katuwang ang PNP Dasmarinas sa pangunguna ni COP Richard Ang.
Dinala si Blessrio sa Pagamutan ng Dasmariñas at ligtas na siya ngayon.
Sa nakalap na impormasyon, may 4 katao ang nalibing ng buhay. Kabilang dito si Blessrio at ang mag-anak na doon naninirahan din. Napag-alaman na mag-asawa at isang anak na 2 taong gulang ang nailibing ng buhay sa gumuhong pader.
Na-retrived na ang katawan nang mag-anak subalit patay na ang mga ito ng makuha ang kanilang mga katawan kaninang hapon. Dinala sila sa magkaparehong pagamutan para ideklera ng pormal ang kanilang pagkamatay sa naturang insidente.
Nakuha naman ang mga pangalan ng pamilyang nasawi dahil sa mga ID nito. Hindi pa inilalabas ang mga pangalan ng mag-anak.
Samantala, Sinabi naman ni Cong. Pidi Barzaga na magsasagawa ng ocular inspection bukas ang kanilang lokal na pamahalaan ng Dasmariñas City kung may pagkukulang ang may-ari ng naturang gusali. (Ni Rex Molines via Cavite desk)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
