KILLER CAKE: Dalawang madugong pangyayari sa Cavite na parehong iisa ang dahilan, ang Cake.

Read Time:1 Minute, 36 Second

Thank you for reading this post, don't forget to subscribe!

Magugunitang noong Oktubre 20, 2020 ganap na alas-7:10 ng gabi sa tapat ng Jollibee, Epza Rosario, Cavite binaril sa likod gamit ang isang Caliber 45, ang biktimang si Gregorio Bunio, 19 taong gulang, isang factory worker sa Epza.

Agad namatay ang biktima habang sugatan naman ang kasama nito na si Junnue Catapang.

Sa imbestigasyon ng pulisya, bibili lamang sana ng cake ang biktima bilang blowout nito sa kanyang mga supervisor matapos na ito ay ma-promote sa trabaho, subalit nagkaroon ng away-trapiko buhat sa sinasabing suspek na naging dahilan nga ng pamamaril.

Habang noong Nobyembre 06, 2020 ganap na ala-1 ng hapon sa Brgy. Pulo, Cavite City ng maganap muli ang isang madugong barilan sa pagitan ng alagad ng kapulisan at sibilyan.

Kinilala ang suspek na si Methusael Cebrian na namatay din matapos na makipagbarilan sa mga alagad ng Highway Patrol Group ng PNP.

Sa naging imbestigasyon ng pulisya, nasita ang sinasakyan ng lalaki at driver nito dahil sa walang plaka at walang maipakitang anumang dokumento o kahit lisensya man lamang.

Hindi naging handa ang alagad ng batas-trapiko sa balak ng lalaki kaya isa sa hanay nila ang nalagas at 2 ang sugatan. Habang patay din ang nasabing suspek.

Ayon sa driver ng suspek, matapos na sumuko sa PNP ay bibili lamang umano sila ng suspek ng cake ng araw na iyon dahil kaarawan ng panganay na anak nang maganap ang engkwentro.

Ano nga ba ang kwento sa likod ng cake, nagkataon lang ba? O may nakatitindig balahibong kulay tsokolate sa panglabas na anyo nito na tila kulay din ng isang umaagos na dugo buhat sa tama ng baril.

Sa parehong dahilan, ang cake na sana’y regalo ay nauwi sa mainitang pagtatalo at engkwentro. Dalawang madugong eksena, sa magkaibang kadahilanan. Isang humihingi ng hustisya at isang naging mitsa ng pagkawala ng isang alagad ng pulisya. (Ni Sid Luna Samaniego via Cavite desk)

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com