Cong. Raul del Mar, pumanaw na
Pumanaw na si Cebu City North District Representative Raul Veloso del Mar habang nasa ospital sa Maynila nitong Lunes ng gabi, Nobyembre 16.
Agad naman nagpaabot ng pakikiramay si Speaker Lord Allan Velasco sa pamilya ng dating Deputy Speaker.
Ayon kay Velasco, patuloy na nagseserbisyo at laging dumadalo sa virtual plenary sessions si Del Mar kahit na ito ay nasa ospital.
“Never a day in his job was he absent.” ani Velasco.
Hindi nabanggit kung ano ang ikinamatay ng beteranong mambabatas. Si del Mar ay namatay sa edad na 79 anyos. (DM)
