Gobernador ng North Cotabato kinondena ang pagpasabog ng umanoy “IED” sa bayan ng Tulunan
Read Time:1 Minute, 12 Second
NORTH COTABATO, Philippines –– Kinonsidera ni North Cotabato Governor Nancy Catamco na isang “dagok” sa seguridad at kapayapaan ng probinsya nito ang nangyaring pagsabog ng isang umanoy “improvised explosive device” (or IED) sa bayan ng Tulunan bandang 12:30 ng tanghali ngayong araw, Enero 27.
Mariing kinondena ni Governor Catamco ang nangyaring pagsabog at kinonsidera ito na isang “pagsubok” lamang.
“Tulad ng lahat na pagsubok na ating napagdaanan, sama-sama at tulong-tulong tayong bumangon,” sabi ni Governor Catamco sa kanyang official statement na inilabas sa social media.
Ayon sa gobernadora, ang pagsabog ay isang “kapalastangan” sa batas at sa karapatang-pantao ng bawat mamamayan ng probinsya.
Umapela ito sa PNP na gumawa ng hakbang upang mahuli kaagad ang mga taong responsable sa pagpapasabog ng umanoy IED sa bayan ng Tulunan.
“Dapat ay hindi na ito maulit pa,” sabi ni Governor Catamco.
Sinabi ng gobernadora na tutulungan nito ang mga biktima dahil obligasyon nito bilang isang “ina” ng probinsya na tulungan sila.
Umapela ito sa mga residente na maging maingat at mapagmasid sa paligid.
“Makipagtulungan po tayo sa mga kinauukulan upang maiwasan ang ganitong pangyayari,” sabi ng gobernadora.
Ayons a report na nakuha ng Diyaryo Milenyo-Mindanao Desk, galing sa Kidapawan City ang nasabing bus ng Yellow Bus Line (YBL) at papunta ito sa Tacurong City ng maganap ang pagsabog. (RASHID RH. BAJO with reports TACURONG TAMBAYAN FB PAGE/Photo credit to BRIGADA NEWS FM KIDAPAWAN CITY)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
