Umakyat na sa 550,860 ang mga nagpositibo sa COVID-19 sa bansa ngayong araw, Lunes, Pebrero 15
Read Time:53 Second
NAKAPAGTALA ang Department of Health (DOH) ng mga bagong kaso ng COVID-19 ngayong araw na may bilang 1,685. Umabot na sa kabuong bilang na 550,860 ang mga nagpositibo sa COVID-19 sa bansa.
Labing apat (14) ang nadagdag na mga bagong gumaling sa COVID-19 ngayong araw. Pinakamamabang bilang ito sa mga nagdaang araw. Kaya naman umabot na sa 511,755 (92.9%) kabuoang gumaling.
Nakapagtala naman ngayong araw ng mga bagong namatay sa virus na may bilang na 2. Kaya naman umakyat na sa kabuoang bilang na 11,517 (2.09%) na kabuoang bilang ng mga namatay sa virus.
Samantala, umakyat ang bilang ng mga aktibong kaso na may 27,588 (5.0%) kumpara kahapon na may bilang na 25,918 (4.7%).
Patuloy ang pagbibigay paalala ng Department of Health (DOH) at ng Inter-Agency Tasks Force (IATF) na mag-ingat at panatilihing ligtas ang sarili sa banta pa rin ng coronavirus disease 2019 (COVID-19), sapagkat hindi pa tapos ang ating pakikipaglaban sa naturang virus na ito. (DM)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
