NAGLABAS ng saloobin si Pasig City Mayor Vico Sotto patungkol sa diumano’y pekeng COVID-19 vaccine na ibinibenta sa online.

Sa ipinoste nito sa kanyang official Twitter account, naglabas ng screenshot ang Alkalde ng isang online seller na nagbebenta ng 50 vials ng pekeng Pfizer COVID-19 vaccines sa halagang P60,000.

“Beware!! Wag bumili sa mga ganito! Picture pa lang kita nang mali ang handling. Maglolokohan lang kayo niyan,” pahayag ni Mayor Vico Sotto sa kanyang twitter account.

“Dapat dumaan sa nasyonal na pamahalaan ang pagbili ng kahit anong bakuna. For our safety,” dagdag pa ng Alkalde.

Pinaalalahanan din ni Sotto ang publiko na ang mga healthcare workers ang unang mababakunahan kapag dumating na ang unang batch ng vaccines sa bansa. (RBM)