NAKAPAGTALA ang Department of Health (DOH) ng mga bagong kaso ng COVID-19 ngayong araw na may bilang 1,744. Umabot na sa kabuong bilang na 555,163 ang mga nagpositibo sa COVID-19 sa bansa.

412 ang nadagdag na mga bagong gumaling sa COVID-19 ngayong araw. Kaya naman umabot na sa 512,375 (92.3%) kabuoang gumaling.

Nakapagtala naman ngayong araw ng mga bagong namatay sa virus na may bilang na 96. Umakyat na sa kabuoang bilang na 11,673 (2.10%) na kabuoang bilang ng mga namatay sa virus.

Samantala, umakyat ang bilang ng mga aktibong kaso na may 31,115 (5.6%) kumpara kahapon.

Patuloy ang pagbibigay paalala ng Department of Health (DOH) at ng Inter-Agency Tasks Force (IATF) na mag-ingat at panatilihing ligtas ang sarili sa banta pa rin ng coronavirus disease 2019 (COVID-19), sapagkat hindi pa tapos ang ating pakikipaglaban sa naturang virus na ito. (DM)