Magkapatid na iniwanan ng van at naglakad ng 3 araw mula Rosario Cavite hanggang Sto. Tomas Batangas, tinulungan ng isang grupo ng food Riders

Read Time:1 Minute, 45 Second
Image: Facebook post from Junjie Ko Bai

TATLONG araw na naglakad ang magkapatid na Marvin at Vincent Delos Santos mula Rosario Cavite hanggang Santo Tomas City Batangas na pawang tubong Nabua Camarines Sur.

Thank you for reading this post, don't forget to subscribe!

Sa ipinoste ng isang concern food rider nitong Biyernes, Pebrero 26, bandang alas 7:45 pm ng gabi ay nadaanan ng kanilang grupo ang magkapatid sa isang food establishment sa Sto. Tomas Batangas habang na-pick up ang kanilang grupo ng mga order din na ihahatid sa mga customers nila.

Lumapit umano ang magkapatid sa kanila upang makitawag sa kanilang mga kamag-anak sa Bicol. Ngunit ang nag-iisang numero na meron sila [magkapatid] ay hindi matawagan. Dito na isinalaysay ng dalawang magkapatid ang kanilang sinapit matapos silang iwanan ng Van na kanilang sinasakyan mula Bicol papunta sa Cavite para magtrabaho bilang Construction Workers.

Aniya, pagdating nila sa Rosario Cavite tumigil panandalian ang van para makagamit ng comfort room ang mga sakay nito. Maging ang dalawang magkapatid ay nag-cr din at paglabas nila ng cr, kanilang nadatnan na wala na ang sinaaakyan nilang van.

Sinabi ng magkapatid na ang kanilang mga gamit o bag ay nasa loob ng van. Tanging naiwan lamang sa magkapatid ay ang kanilang suot na damit at ang kanilang pagkakakilanlan o ang Barangay ID na hawak nila. Dito na naisip ng magkapatid na sila ay maglakad na lamang pauwi ng Bicol na walang kasiguraduhan.

Dahil na rin sa tindi ng sinapit ng dalawang magkapatid, agad naman silang tinulungan ng mga mabubuting rider ng Food Panda. Binigyan ng makakain at kaunting pera para magamit nila sakaling magutom ang magkapatid.

Sa ngayon ay ginagawan na ng aksyon ang magkapatid na sila ay makauwi sa kanilang probinsya sa tulong na rin ng mga butihing Riders Club ng ROCI at ng Food Panda Riders.

Inaalam pa ang pagkakakilanlan sa driver ng van upang mapanagot ito sa pag-iwan sa kaniyang mga pasaherong nakigamit lamang ng palikuran at hindi na naisipang i-check ang mga sakay nito. (Ni Rex Molines | Photos credit: Junjie Ko Bai)

Advertisement

About Post Author

Diyaryo Milenyo

DIYARYO MILENYO is a free and independent online media outfit that publishes events happening in the local communities and current issues that matter to the public with local, national and global implications. DIYARYO MILENYO is composed of volunteer journalists and community writers scattered in various parts of the Philippines. They report the news right and where it happens. It adheres to the standards and ethics of journalism. It imposes strict rules against attacking someone. Strictly adhering to publish good news only.
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Cuatro, nasungkit ang titulo bilang bagong IBF minimum weight champion
Next post Sinovac vaccines dumating na sa bansa, ilang opisyales ng pamahalaan magpapabakuna bukas

Discover more from Diyaryo Milenyo

Subscribe now to keep reading and get access to the full archive.

Continue Reading

%d bloggers like this: