Read Time:1 Minute, 29 Second
Matapos ang mahigit dalawang dekada sa Showbiz industry, napagdesisyunan na ng Aktres na si Angelica Panganiban na magreretiro na siya sa pag-arte sa mga TV soap operas, movie flicks, partikular sa mga mabibigat na role nito.
Kilala ang aktres sa various roles nito mapa-Television, pelikula at maging sa sitcom.
Sinabi ng aktres na, “Yung decision naman na ‘yun hindi naman ‘yun overnight. Siyempre ilang taon kong iniisip.”
Ibinahagi ng aktres ang isa sa mga pumatok na movie nito na “That Thing Called Tadhana” na kaniyang binalik-tanaw ang lahat ng pahihirap sa pelikulang ito.
“Bakit ko pinapagod ng ganito yung sarili ko?’ and to think na simula six years old ako pinapagod ko na sarili ko. So parang kelan ka titigil? Tapos parang may mga question ako sa sarili ko na, ‘Ano pa ba ang gusto kong i-prove?’ Lalung-lalo na pagdating sa teleserye,” pagbubunyag ni Angelica sa isang interbyu ng Kapamilya network.
Aniya, hindi naman gusto ng aktres na kapag dumating yung time na babalik sya sa paggawa ng soap opera ay para lamang sa pera.
“Hindi naman sa nawawalan ako ng gana kaya lang ayokong umabot ako dun na hindi ko na gusto yung ginagawa ko bago ko siya tigilan,” pagbabahagi ng aktres.
Pagbubunyag pa ng Aktres na gusto na niyang makawala sa mundo ng pag-arte sa mga mabibigat na role nito at maiwasan na rin ang makaramdam ng pagka-burn-out. Kaniya namang pinagpapasalamat na siya ay nabigyan ng magagandang role sa mga proyektong ginawa nito at sa lahat ng kaniyang nakatrabaho at nakapareha.
“Okay na ako. Masaya na ako sa mga nagawa ko. Parang pwede ko na ito ibigay sa mga susunod na generation. Sila naman. Kaya naman nila yan,” pagtatapos ni Angelica. (DMS)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
