16–kilometro na road network project ng DPWH na magdudugtong sa SOCCSKSARGEN papunta sa Davao Region malapit ng matapos
Read Time:1 Minute, 17 Second
[From Rashid RH. Bajo]
KORONADAL CITY, Philippines –– Kinumpirma ni Department of Public Works and Highways (DPWH) Regional Director Basir M. Ibrahim na ang konstruksyon ng 16.40–kilometro na haba ng kongkretong–daan na magdudugtong sa rehiyon ng SOCCSKSARGEN South Cotabato [North] Cotabato, Sultan Kudarat, Sarangani and General Santos City) sa Davao Region, sa pamamagitan ng bayan ng Matanao sa probinsya ng Davao Del Sur, ay malapit ng matapos.
Sa pinoste nitong opisyal na pahayag sa kanyang Facebook page, sinabi ng DPWH Region XII na ang nasabing “road network” (Koronadal–Lutayan–Columbio–Matanao) ay nagsimula sa bayan ng Lutayan at magtatapos sa bayan ng Columbio sa probinsya ng Sultan Kudarat ay “99.06 complete” na.
Ayon sa DPWH XII, bilang isang alternatibong rota, magbibigay ito sa mga magsasaka at mga negosyante ng “expanded economic opportunities” (or malawak na mga oportunidad sa ekonomiya) dahil sa mga benepisyong ihahatid sa kanila ng nasabing bagong–rota.
Sinabi ng nasabing ahensya na mula sa “four hours and ten minutes” na biyahe papunta sa Davao Region, magiging “two hours and 20 minutes” na lamang ito dahil sa alternatibong–rota.
Inaasahan na mas lalo pang sisigla ang turismo ng bayan ng columbio dahil sa pagdagsa ng mga lokal at mga banyaga na turista dahil sa road network project ng DPWH.
Kilala ang bayan ng Columbio dahil sa pamoso nitong “tourist spots,” tulad ng “La Palmera Mountain Ridge, Fetam Klego Waterfalls, Underground River, Tabong Falls at Bansuing Falls.”
Ang nasabing proyekto ay pinondohan ng P1.1–bilyones. (Photo credit to DPWH XII)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
