Mahigit 700k health workers, indibidwal at ilang senior citizen nabakunahan na – DOH
0
0
Read Time:50 Second
Mahigit 700,000 mga indibidwal, kabilang na ang mga health worker at ilang senior citizens ay nabakunahan na laban sa COVID-19, ayon sa Department of Health nitong Martes, Marso 30.
Sa isinagawang pagpupulong ng House Committee on Health, sinabi ni DOH Undersecretary Myrna Cabotaje na 702,362 indibidwal na ang nabakunahan ng first dose ng Sinovac at AstraZeneca vaccine. Ang datos na ito ay base sa DOH nitong Marso 29.
Saad pa ni Cabotaje na 698,353 o 54.6% porsiyente ng mga frontline health workers na ang nabakunahan. Kasunod na nito ay ang mga senior citizen at ilang indibidwal na may comorbidities.
Iniulat din ni Cabotaje na nakatanggap na ng 2 doses para sa 404 individuals nitong Marso 29. Ang lahat ng mga ito ay residente sa Metro Manila.
Samantala, nagpakita naman ng datos ang DOH na may 1,279,347 health workers na ang kasama sa kanilang master list para sa pagbabakuna. #DM
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
You must be logged in to post a comment.