Covid Sniffing Dogs, kailangan ng suporta ng gobyerno
Noon ay madalas nating napapanood sa mga balita ang mga K9 dogs para umamoy ng mga bomba, droga at mga ilegal na kontrabando sa ating bansa.
Kamakailan ay napabalita na ang mga bomb sniffing dogs ay nagagamit na rin para umamoy ng mga may covid virus sa pamamagitan ng pag-amoy ng mga pawis at ito ay ginagawa na rin sa ibang bansa.
Nakatutulong para sa ibang bansa ang mga covid sniffing dog para umamoy ng naturang virus at ito ay suportado ng kani-kanilang pamahalaan gaya ng Finland, Dubai, Germany at Chile ngunit tila hindi pa ito prayoridad ng ating bansa.
Kung ito ay bibigyan payoridad at susuportahan ng ating pamahalaan, panigurado mas marami ang mababatid kung ang indibidwal ba ay positibo sa virus o hindi. Mas makababawas ito sa pagtaas ng kaso ng COVID-19 kada araw at makababawas din sa gatusin ng mga nagpapa swab testing.
Sa kasalukyan, sa isang training center ng Universal K9 Philippines sa Antipolo ay may 12 aso ang sinasanay na umamoy ng may covid sa pamamagitan ng pawis ng mga nagpositibo sa naturang sakit. #DM
