Ate Gay tinulungan makalabas ng ospital ng Beks Batallon, Vice Ganda
Read Time:1 Minute, 15 Second
[by Athena Yap]
Kasalukuyang naka-confine ngayon ang komedyante na si Gil Morales o mas kilala bilang “Ate Gay.”
March 25 nang makaramdam umano si ate Gay ng malubhang panghihina kung saan kinailangan na siyang magpa-ospital. Matapos niyang sumailalim sa maraming test, nadiskubre na siya ay may pneumonia at mataas na blood sugar kaya naman kailangan na siyang i-confine.
Samantala, patuloy ang pagpapagaling ngayon ng komedyante at may mga lumalabas din sa social media na ilang mga retraro niya na mas bumuti na ang pakiramdam niya kumpara sa mga naunang upload noon na halos parang lantang gulay ang histura ni Ate Gay, pero ngayon naman ay mas maaliwalas na ang hitsura niya ayon sa mga kumakalat na retratro niya sa social media.
Marami rin sa kanyang mga kapwa komedyante na buong puso na nag-abot ng tulong para kay Ate Gay gaya nina Paolo Ballesteros na unang nag bigay na sinundan naman ni John Santos, Vice Ganda at ngayon naman ang grupong Beks Batallon.
Ayon pa sa pinaka-huling update ay lalabas na raw siya ng ospital bukas.
“Taray ng Beks Batallon, may pahabol (clapping hands) lalabas na ako bukas” sambit pa niya.
Sa ngayon ay patuloy din ang panawagan ng kanyang pamilya para ipagdasal si Ate Gay.
Si Ate Gay ay kilala bilang impersonator ng beteranang aktres na si Nora Aunor at binansagan din siyang “Queen of Mash-ups” dahil sa mabebenta niyang paghahalo ng lyrics ng iba’t ibang kanta. #DM
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
