dswd, amino sa Magbagal na pamamahagi ng cash aid
[by Rex Molines]
AMINADO ang Department of Social Welfare and Development (DSWD) na ang pamamahagi ng emergency aid sa mga maralitang pamilya sa National Capital Region ay mabagal.
Sinabi ni DSWD Secretary Ronaldo Bautista na halos 8% porsyento o higit P1.75 bilyon ang naipamahagi na nila.
Ang nasabing emergency aid o cash assistance ay ipamamahagi sa mga lubos na naapektuhan ng enhanced community quarantine sa NCR Plus; Metro Manila at ang mga karatig probinsya.
Nagbigay pahayag si Bautista sa public address ni Pangulong Rodrigo Duterte nitong Lunes [Abril 13] na ang distribusyon ng cash aid ay nagkaroon ng mabagal na simula.
Aniya, halos 1.7 milyong benepisaryo sa Metro Manila at apat na probinsya ang tumanggap na ng tulong noong Abril 11.
“Makikita po natin dito na talagang may slow start. But as [we] experienced last year, start po, talagang mabagal. After four to five days, doon na po nag-start ng pag-distribute ng special assistance,” aniya ni Bautista.
Base sa datos na inilabas ng DSWD, ang malaking bilang ng mga benepisaryo para sa 1.57 million ay mula sa Metro Manila. Mayroon namang 95,197 recipients sa Rizal; Laguna 28,564; at sa Bulacan naman ay 24,015.
Siniguro naman ng ahensya na ang inilaan na pondo ay naipamahagi na sa bawat lokal na pamahalaan. Aniya, ang kanilang departamento ay mayroong naka “standby fund” na P529.6 million.
Sa paliwanag ni Pangulong Duterte sa kanyang public address mula ng ibalik ang ECQ sa NCR Plus bubble ay makatatanggap ng P1,000-in-kind or cash assistance sa bawat indibidwal na apektado ng two-week ECQ. Habang ang mga maralitang pamilya naman ay makatatanggap ng P4,000.
Ang kabuuang pondo na P22.9 billion ay inilaan para sa naturang programa ng gobyerno sa pagtugon ng nagpapatuloy na pandemya sa bansa. #DM
