Tatlong–kilometro na coastal road sa probinsya ng Sarangani ginawang four lanes ng DPWH

[by Rashid RH. Bajo]

SARANGANI, Philippines –– Maginhawa at komportableng biyahe ang nararamdaman ngayon ng mga motorista, kasama na ang drayber ng mga pampublikong–sasakyan, habang dumadaan sila sa “newly–completed coastal road widening project” ng Department of Public Works and Highways [DPWH] sa bayan ng Malapatan sa probinsyang ito.

Kasama sa natutuwa sa nasabing proyekto ng DPWH ay ang mga magsasaka, mga negosyante at ang libo–libong mga turista na pumupunta sa “world–class tourist spots” na matatagpuan sa coastal area ng Sarangani.

Ayon sa regional office ng DPWH XII, gumastos ang gobyerno ng P87–Milyon sa pagpapalawak sa mahigit tatlong–kilometro [3 kilometers] na coastal road sa bayan ng Malapatan.

Mula “two lanes,” naging “four lanes” na ngayon ang nasabing coastal road matapos itong palawakin ng DPWH–Sarangani District Engineering Office na siyang “implementing agency” ng nasabing proyekto.

“The Php 87-Million road widening project which includes drainage structure provides more convenient mobility of people and efficient delivery of agri and fishery-based products notably coconut (copra), corn, banana, beef, bangus, tilapia, tiger prawn, fishponds, mariculture and salt,” sabi ng regional office ng DPWH XII na nakabase sa Koronadal City sa pinoste nitong report sa kanyang opisyal na Facebook account.

Iginiit ng DPWH XII na “In addition to economic advantages, wider road also encourages more tourists to visit and explore beautiful beaches and sceneries in the area.”

Dahil sa pinalawak na coastal road, inaasahan na mas lalaki ang bulto ng mga turista na bibisita sa tourist spots ng Malapatan at mga karatig–bayan nito, tulad ng Glan, kung saan matatagpuan ang sikat na Gumasa white beach.

Ang bayan ng Glan ay isang oras lamang na biyahe mula Malapatan. #DM