Travel Ban sa India inirekomenda ni Locsin

Read Time:1 Minute, 8 Second

Inirekomenda ni Department of Foreign Affairs (DFA) Secretary Teodoro Locsin Jr. na pansamantalang i-ban ng gobyerno ang mga traveler mula sa India patungong ‘Pinas.

Thank you for reading this post, don't forget to subscribe!

“I have suggested to the IATF that a travel ban be imposed on all our good friends in the entire Indian subcontinent,” sinabi ni Locsin sa ipinoste nito sa kanyang Twitter account.

“It’s not personal; it’s for everyone’s safety for now; we’ll be able to be together again,” dagdag pa niya.

Sinabi naman ng Department of Health (DOH) sa DFA na kanilang pag-uusapan ang posibleng pag-ban sa mga byahero mula India patungong ‘Pinas sakabila ng nagpapatuloy na pagtaas ng kaso ng COVID-19 sa ating bansa.

Sinabi rin ng mga eksperto na mas lumalaki pa ang bilang ng mga nagpopositibo sa COVID-19 sa India at nagkaroon pa rito [India] ng bagong variant na kinilalang “double mutant” bunsod ng mabilis na hawaan sa virus sa India.

Sinabi pa ng mga health experts sa ‘Pinas na wala pa naman silang na-detect na bagong variant mula sa India.

Sa pagtatala, 659 B.1.17 (United Kingdom) variant cases ang mayroon na sa ‘Pinas, 695 B.1.351 (South Africa) variant cases, 2 na P.1 (Brazil) variant cases, at 148 cases naman ng P.3 variant na una nang na-detect sa Central Visayas. #DM

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com