Sarah Duterte-Carpio sa pagka-Pangulo sa 2022
0
0
Read Time:1 Minute, 15 Second
[ni Rex Molines]
Thank you for reading this post, don't forget to subscribe!
KINUKONSIDERA ni Pangulong Rodrigo R. Duterte si Davao City Mayor Sarah Duterte-Carpio na maging standard bearer ng kaniyang partido sa darating na halalan 2022, ayon kay Presidential Spokesperson Harry Roque.
Ayon kay Roque, nananatiling undecided ang presidential daughter na tumakbo sa darating na eleksyon sa pagka-Pangulo. Sinabi na rin ito ni Duterte na ayaw ng kanyang anak na sundan ang kanyang yapak sa politika.
Bukod kay Sarah, napipisil din ni Duterte ang kaniyang mga presidential bets na si former Senator Ferdinand R. Marcos Jr., Manila Mayor Francisco M. Domagoso, Senator Christopher Lawrence T. Go, at ang boxing champion Sen. Emmanuel D. Pacquiao.
Samantala, sinabi naman ni Albay Rep. Jose Maria Clemente S. Salceda nitong Miyerkules ng gabi na sinabi ni Sara Duterte-Carpio na siya raw ay tatakbo bilang Pangulo at ngayon ay bumubuo na ito ng alyansa sa iba’t ibang mga pampulitikang grupo.
“I have exchanged texts with her and I can tell you that she is really running,” saad ni Salceda sa isang panayam ng OneNews.
Si Salceda ay miyembro ng partidong PDP-Laban, limang political parties na handang suportahan si Ms. Carpio bilang pambato ng kanilang partido.
Samantala, nagbigay pahayag si Salceda ukol sa posibilidad na Duterte-Duterte tandem na hindi ito tamang gawin dahil kailangan ng administrasyon ng geographical balance na pagtugon.
Aniya, kailangan na makahanap ang presidential daughter na magiging running mate nito sa ibang rehiyon para mas makakuha ng balanseng boto sa darating na halalan 2022. #DM
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
You must be logged in to post a comment.