"United for 2022" ilulunsad sa Araw ng Kalayaan

Read Time:59 Second

Mismo sa Araw ng Kalayaan ay ilulunsad ng mga taga-suporta ni Bise Presidente Leni Robredo ang “United for 2022” para sa preparasyon sa darating na Halalan 2022.

Thank you for reading this post, don't forget to subscribe!

Ito ay gagawing online event na sasabay sa opposition coalition na 1Sambayanan sa pag-anunsyo ng huling listahan ng mga kandidato para sa pagka-pangulo. Inaasahan na isa mga nominado si Robredo.

“Sa ating event, ilalatag ng mga kapwa-volunteer natin ang mga adhikain at adbokasiya ng ating samahan,” ayon sa kanilang ipinoste sa Facebook page nila.

Magpapasiklab din ang mga artista at banda, gaya ng Moonstar88, Banda ni Kleggy, Gracenote, Audie Gemora, Juris, 6Cyclemind, Louie Ocampo’s all-star cast at Bituin Escalante.

“Tayo na’t itaguyod ang isang kilusang kakampi ng mga ordinaryong Pilipino, magbibigay ng pag-asa, at magtutulak ng pagkakaisa para sa paghilom ng ating bansa” ayon pa sa grupo.

Dadalo sa naturang online event ang lead convenor ng Kaya Natin! Movement na si Harvey Keh na malapit na kaibigan din ng mga Robredo.

“I’m supporting VP whatever she decides—President or gov(ernor),” aniya.

Si Miss Trans Global 2020 Mela Habijan ang magsisilbing event host ng naturang online event sa darating na Sabado. #DM

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com