Isiniwalat na ni Deputy Speaker at Batangas Representative Vilma Santos-Recto na wala siyang planong tumakbo para sa 2022 national elections, nitong Sabado.
Isa si Santos-Recto sa mga pinagpipilian ng pinakabagong koalisyon na 1Sambayanan na kanilang napipisil para sa Eleksyon 2022 presidential and vice-presidential nominees.
Nagbigay naman ng taus-pusong pasasalamat si Santos-Recto sa 1Sambayanan sa pagkonsidera sa kanya sa naturang pwesto.
“I sincerely thank 1Sambayan for considering me. I have no plans for 2022. I am focused on assisting Lipa City in its vaccination program and in providing assistance to families who need it most,” saad ni Ate V sa kanyang statement.
“Furthermore, I have my legislative duties to attend to,” dagdag pa ni Ate V.
Bukod kay Santos-Recto, sinabi rin ni Sen. Grace Poe na wala siyang planong tumakbo sa pagka-pangulo sa nalalapit na halalan 2022 at kaniya ring pinasalamatan ang koalisyon sa pag-konsidera sa kanya.
Ang iba pang mga napipisil ay si Bise Presidente Leni Robredo, former Sen. Antonio Trillanes IV, CIBAC party-list Representative Eduardo Villanueva, at si lawyer Jose Manuel “Chel” Diokno. #DM
DIYARYO MILENYO DIGITAL NEWS 
0 comments on “Vilma Santos-Recto, walang planong tumakbo para sa 2022 National Elections”