Face shields, hindi na kailangang gamitin sa labas ayon sa DOH
0
0
Read Time:1 Minute, 0 Second
Maari nang hindi gumamit ng face shield paglalabas ng bahay dahil sa maliit na tiyansa lamang ng hawaan ng panganib ng COVID-19 sa labas, ayon kay Health Undersecretary Leopoldo Vega ngayong Miyerkules.
Thank you for reading this post, don't forget to subscribe!“‘Yung face shields, kakailanganin naman talaga ‘yan ‘pag nasa indoor ka, nasa mall ka, or ‘pag may interaction ka face to face inside,” saad ni Vega sa briefing ng Laging Handa.
Maging ang mga manggagawang nasa labas na nagtatrabaho ay pinapayagan na ring hindi magsuot ng face shields habang nasa duty. Aniya, malaking abala kasi ang pagsuot ng face shield para sa mga outdoor workers dahil sa humaharang sa face shields ang moisture o pagpapawis nito.
“Pero ‘pag nasa outside naman, kasi alam naman natin ang risk of transmission is very low, at lalong lalo na kapag naglalakad ka lang sa kalye o kaya nagtatrabaho ka, kasi makaka-affect ‘yung moist nito so puwede niyo tanggalin ‘yan,” dagdag ni Vega.
Kamakailan ay napabalita na nagbigay pahayag si Mayor Isko Moreno na alisin na ang paggamit ng face shield kung nasa labas lang naman din at walang mahalagang pupuntahan. Aniya, tanging ang mga ospital at mga indibidwal na magagawi sa mga mall ang magsusuot nito. #DM
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
You must be logged in to post a comment.