Dalawang opisyal ng LGU––Paglas hinihikayat ang pamilya ni Solaiman Tudon ng BIFF na tulungan silang pasukuin ito

Read Time:1 Minute, 40 Second

[by Abdul Campua]

Thank you for reading this post, don't forget to subscribe!

DATU PAGLAS, Maguindanao — Ang pamilya Paglas sa bayan na ito ay hindi lamang magaling na mga lider kundi mga “peacemaker” din.

Kamakailan lang, pinangunahan nila Mayor Abubakar Paglas at Vice Mayor Thong Paglas ng LGU—Paglas ang pagsagawa ng “peace negotiation” (or usapang—pangkapayapaan) sa pamilya at mga kamag-anak ni Solaiman Tudon, isang kilalang lider ng grupong Bangsamoro Islamic Freedom Fighter (BIFF) na nakabase sa probinsya ng Maguindanao.

Ayon kina Mayor Abubakar Paglas at Vice Mayor Thong Paglas, ang layunin ng pakikipag-usap nila sa pamilya at mga kamang-anak ni Solaiman Tudon ay upang hingiin ang kanilang tulong para hikayatin ang nasabing lider at ang mga kasama nito sa BIFF na sumuko na sa gobyerno.

Sinabi ni Mayor Abubakar Paglas na ang nasabing peace negotiation ay suportado ng Armed Forces of the Philippines (AFP), Philippine National Police (PNP) at ng provincial government, sa ilalim ng kasalukuyang liderato ni Governor Bai Mariam Sangki-Mangudadatu.

Ayon naman kay Vice Mayor Thong Paglas, ang pakikipag-usap sa pamilya ni Solaiman Tudon ay bahagi ng peace program ng LGU Paglas, kung saan layunin nito ay panatilihin ang mapayapang-estado ng munisipyo na iniingatan nila ng maraming mga taon.

Sa nasabing pulong, sinabi ng dalawang mataas na mga opisyal ng LGU-Paglas at mga opisyal ng AFP at PNP na walang dapat ikabahala ang mga kamag-anak ni Soliaman Tudon dahil ang kasalanan nito ay hindi nila kasalanan.

Ayon kay Vice Mayor Thong Paglas, gusto lang nila na maging patuloy na tahimik ang bayan ng Paglas.

Tulad ng dalawang mga opisyal, umapela rin si Lieutenant Colonel Edwin Alburo, commanding officer ng 40^th Infantry Battalion (IB) at ang chief of police ng LGU-Paglas sa pamilya at mga kamang-anak ni Solaiman Tudon na hikayatin ito na sumuko na sa gobyerno para sa kapayapaan.

“Sana makumbinsi ninyo siya na sumuko na,” sabi ni Colonel Alburo.

Si Solaiman Tudon ay residente ng Sitio Mopac na bahagi ng Barangay Poblacion ng Paglas. #DM

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com