Ex–Governor Pax Mangudadatu: Gawing libre para sa lahat ang serbisyo ng bagong–bukas na 399–bed capacity na Sultan Kudarat provincial hospital
[by ABDUL CAMPUA with reports from RASHID RH. BAJO/Photo credit to the PIA–Sultan Kudarat]
Thank you for reading this post, don't forget to subscribe!SULTAN KUDARAT, Philippines (R12) –– Gusto ni former Sultan Kudarat Governor Pax S. Mangudadatu na gawing “libre” sa lahat ng mga tao ang bagong–bukas na Sultan Kudarat Provincial Hospital (SKPH) sa bayan ng Isulan, kilalang “capital town” ng probinsya.
Isa si Pax Mangudadatu sa mga “special guest” na dumalo sa nasabing “soft opening” ng 399–bed capacity na provincial hospital, kung saan makikitang nakatayo sa harap ng kapitolyo na para bang isang “palasyo.”
Kasama ni ex–Governor Mangudadatu ang kanyang anak na si Suharto “Teng” Mangudadatu, kung saan ang siyang kasalukuyang gobernador ng probinsya, at ang ilang matataas na mga opisyal na nagmula sa ibat–ibang mga ahensya.
Dumalo rin sa seremonya ang misis ni Governor Teng Mangudadatu na si Bai Mariam Sangki–Mangudadatu na siyang gobernadora naman ng kalapit–probinsya nito na Maguindanao.
Dumagsa rin ang media, kasama na ang ilang mga sikat na social media blogger/vlogger, sa nasabing seremonya upang ma–cover nila dahil para sa kanila ang nasabing gusali ay isang magandang istorya.
Sa kanyang mensahe, gusto ni ex–Governor Pax Mangudadatu na gawing “libre” sa lahat, lalo na sa mahihirap na mga tao, ang nasabing bagong–tayo na pagamutan.
Ayon kay ex–Governor Pax Mangudadatu, kailangang matulungan ang mga mahihirap dahil “kawawa” sila at dapat mabigyan sila ng prayoridad na makatanggap ng libreng–serbisyo.
Ang nasabing hospital ay flagship project ng provincial government, kung saan ang layunin ay makapaghatid ng de-kalidad na serbisyo sa pangkalusugan sa lahat ng mga residente ng probinsya.
Sa probinsya ng Sultan Kudarat, kilala si ex–Governor Pax Mangudadatu na “mabait” na opisyal ng probinsya dahil kahit sino ay hinaharap nito at tinutulungan.
Tinagurian siyang ‘The Action Man” ng probinsya dahil umaaksyon agad ito sa problema para malutas kaagad.
Kilala si ex–Governor Pax Mangudadatu na “first Muslim governor” na nahalal sa “Christian–dominated Sultan Kudarat province.” #DM
You must be logged in to post a comment.