“MISTAKENLY INFORMED” ang naging pahayag ni Presidential Security Group (PSG) Commander Jesus Durante III na “fully vaccinated” na si Pangulong Rodrigo Roa Duterte.
Ayon kay Presidential Spokesperson Harry Roque, hindi ito totoo na ang Pangulong Duterte ay tapos ng bakunahan ng ikalawang dose. Aniya, mistakenly informed si Durante ng kanyang medical staff ukol sa pagbibigay ng second dose kay Duterte.
“This is in reference to the remarks of Presidential Security Group (PSG) Commander BGEN Jesus Durante III on President Rodrigo Roa Duterte receiving a second dose of the anti-COVID-19 vaccine,” ayon kay Sec. Roque.
“Gen. Durante has admitted, apologized and rectified his earlier remarks. We hope this clarifies the matter,” dagdag ni Secretary Roque.
Sa kaugnayan nito, mayroong text message mula kay Sec. Roque sa media na sinasabing, “ES said that details of their conversation should be kept private. Gen Durante has personal knowledge of 2nd shot. It was given after EUA was granted to Sinopharm.”
Matatandaan na sinabi ni Durante kahapon ng umaga, June 25, na kanyang kinumpirma na kumpletong bakunado na si Pangulong Duterte. #DM