Malayong purok sa South Cotabato binigyan ng solar lights ni Congressman Hernandez

Read Time:57 Second

[by RASHID RH. BAJO]

Thank you for reading this post, don't forget to subscribe!

SURALLAH, South Cotabato — Sa malayong sitio ng isang barangay sa bayan na ito, ang mga tao doon ay umaasa na sana balang-araw makita nila ang ganda ng isang maliwanag na paligid sa gitna ng dilim.

Matagal silang nangarap na sana magka-ilaw ang kanilang mga paligid. Ang kanilang mga pangarap at mga dasal ay tinupad ni South Cotabato 2^nd District Rep. Atty. Ferdinand “DINAND” Hernandez.

Noong nakaraang-linggo, limang poste ng “solar light” ang tinayo sa paligid ng Sitio Tapok sa Barangay Moloy.

Ayon kay Vice Mayor Pinky Divinagracia ng nasabing bayan, matagumpay nilang naikabit sa limang poste ang lima ring solar lights na mula kay Congressman Hernandez.

Naibigay ang nasabing mga solar light sa pamamagitan ng tulong nila South Cotabato Board Member Larry De Pedro IV at Councilors Nonoy Valdevieso, Toto Res Villanueva at Ian Cristopher Banez Escleto.

Ang pamamahagi ng solar lights ay bahagi ng pailaw na programa ni Congressman Hernandez sa mga malayong lugar ng probinsya.

Ayon sa report, labis ang pasasalamat ng mga residente ng Sitio Tapok kay Congressman Hernandez sa ibinigay nitong mga solar light sa kanilang lugar. #DM

About Post Author

Diyaryo Milenyo Digital News

DIYARYO MILENYO is an autonomous and non-profit online media organization that reports local community events and current affairs of public interest, with both national and global relevance. Our team consists of volunteer journalists and community writers from diverse locations across the Philippines. Our primary objective is to report news and events as they unfold while adhering to journalism's highest standards and ethics. We maintain a strict stance against publishing content that attacks individuals and prioritize highlighting positive news.

advertise@diyaryomilenyonews.com

http://diyaryomilenyonews.com