DOLE: "Endo" bill, inaasahan na masertipikahan ng Pangulo para umusad na ito sa Senado

Read Time:1 Minute, 2 Second

HIHILINGIN ng Department of Labor and Employment (DOLE) sa Malacañang na agad sertipikahan ang “Endo” bill, ayon kay Labor Secretary Silvestre Bello III.

Sa isang online briefing ng kalihim, aniya, nakatakda silang magpadala ng liham kay Pangulong Rodrigo Roa Duterte upang kanilang hilingin na ma-sertipikahan ang Endo bill sa lalong madaling panahon para sa ikapapanatag din ng loob ng mga ordinaryong manggagawa na umaasa na huwag mawakasan ang kanilang paninilbihan o paggawa sa kani-kanilang pinapasukan.

“Para gumalaw ‘yan, we are going to request the President to certify this Endo bill para once and for all ay matapos na itong issue ng Endo.” pahayag ng kalihim.

“Pagka-sinertify ‘yan, ibigsabihin first in the agenda ‘yan. So hopefully after his SONA, and we get the certification from the President, we will see this bill acted upon by the Senate. Kasi pumasa naman yan sa House of Representatives,” dagdag pa ni Bello.

Nitong Lunes [July 19], nagsagawa ng kilos-protesta sa tanggapan mismo ng DOLE ang mga manggagawa para igiit na wakasan na ang kontraktwalisasyon sa gobyerno.

Sakabilang banda, umaasa si Bello na mabigyang pansin at matuldukan na ang usapin na ito sa huling sesyon at sa pamamagitan ng suporta ng Pangulo. #DM

About Post Author

rexmolinesblog

One of my expertise is writing stories for SMEs and making them published in digital and print. I also write slogans and taglines for print/online advertising platforms.

info@rexmolines.com

https://rexmolines.com