Paghahanda sa ECQ
0
0
Read Time:1 Minute, 34 Second
Ilang oras na lang, ECQ na!
Thank you for reading this post, don't forget to subscribe!Muli na naman nating ilalagay ang ating sarili sa apat na sulok ng ating tahanan. Muli na namang malilimitahan ang ating galaw. Dahil sa umiiral at mas nakahahawang virus na kumitil nang maramig buhay at kinakatakutan ng lahat, ang Delta variant COVID-19.
Marami ang nalilito pa rin sa klasipikasyon ng kwarantina sa kasalukuyang paghahanda. Gaya nang kaganapan sa Maynila at Las Piñas ngayong araw kung saan ay dumagsa ang mga tao na nagmula pa sa iba’t ibang lugar at probinsya na animo’y gustong magpabakuna dahil sa mga haka-haka na hindi raw papayagang lumabas ang mga wala pang bakuna at hindi rin mabibigyan ng ayuda.
Ito ay isang patunay ng misinformation dahil na rin sa mga naglipanang fake news na mahirap pa ring matukoy ng mga otoridad kahit na may mga batas ang tumutugon dito. Dahilan din ay ang mga troll kung saan ay kanilang pinapalaganap ang mga maling impormasyon tungkol sa mga hakbangin ng gobyerno at paninira sa mga politiko.
Marami na namang naglipanang balita ukol sa muling paghihigpit ng mga otoridad kaugnay sa kwarantinang muling iiral (huwag sanang lumabis ang mga ito sa kapangyarihan). May mga pag-uulat din ukol sa pagpayag para sa mga NON-APOR na maghatid-sundo sa mga APOR, mga requirement na kakailanganing ipresenta.
Panigurado, marami na naman sa atin ang magkakaroon ng kalituhan ukol dito. Kaya dapat maging maingat tayo at mapanuri sa pagbabasa ng mga balita sa online. Huwag makikinig sa sinasabi lang ng inyong mga kapitbahay at mga tao sa paligid. Sikapin natin na tukuyin ang mga kinakailangang impormasyon tungkol sa pagtatakda ng ECQ mula bukas, Agosto 6 hanggang 20.
Huwag po tayo mag panic buying sapagkat mananatiling bukas ang lahat ng pamilihan. Inaasahan din ng otoridad na muli tayong magba-bounce back matapos ang 2-week ECQ. Nawa’y hindi na ito mag-extend pa. #DM
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
